سرویس فرهنګ او ټولنه

یوه نظر پوښتنه ښیی چې ۹۳ سلنه افغانان د دایمی اوربند غوښتونکی دیفرهنګ او ټولنه

د افغان ښځو شبکې او د “صلاح” په نوم د یو مدنی ټولنې د بنسټ له خوا په افغانستان کې د افغان حکومت او وسله والو طالبانو ترمنځ د اوربند د ټینګیدو په اړه یوه سروې ښیی، چې ۹۳٪ افغانان د افغان حکومت او وسله والو طالبانو ترمنځ د دایمی اوربند د ټینګیدو ملاتړ کوی.

د کابل ښار د ډیزاین طرح تصویب شوهفرهنګ او ټولنه

د جمهور رئیس محمد اشرف غنی په مشرۍ د ښاری پراختیا عالی شورا غونډه تېر ماښام په ارګ کې جوړه شوه، چې په کې د کابل ښار د ډیزاین د چوکاټ پر طرحې بحث او خبرې وشوې.

د سولې کاروان پر لوڅو پښو له کابله مزارشریف خواته حرکت کړیتیتر دو

د هلمند د سولې کاروان غړی،چې اوس یې د خپل حرکت نوم د “سولې ولسی حرکت” ته بدل کړی، وایی، په کابل کې د ۵۳ ورځو تیرولو وروسته نن د جمعې په ورځ (زمری ۱۹ مه) د بلخ ولایت مرکز مزارشریف ښارته پرلوڅو پښو او په پلی مزل روان شوی دی.

د کډوالو نړیوال سازمان: څه باندې ۴۰۰ زره افغان کډوال خپل هېواد ته راستون شویتیتر دو

د کډوالو نړیوال سازمان ویلی چې د روان کال په لومړیو اوه میاشتو کې څه باندې ۴۰۰ زره افغان کډوال له اېران څخه افغانستان ته راستون شوی چې ځینی کسان په داوطلبانه توګه او ځینې نور په اجباری ډول له اېران څخه ایستل شوی دی.

نړیوال بانک: په روان کال کې د افغانستان اقتصادی پرمختګ کموالی مومیفرهنګ او ټولنه

نړیوال بانک په خپل نوی راپور کې وړاندوېنه کړې چې د افغانستان اقتصادی پرمختګ د بېلابېلو لاملونو له کبله د هغې له ډلې څخه د راتلونکې ټاکنو د ترسره کېدو له امله له ۲.۷ سلنو څخه ۲.۴ سلنو ته کموالی مومی.

ټاکل شوې د اېران او افغانستان ترمنځ الوتنې ډېره شیفرهنګ او ټولنه

ایرانی رسنۍ وایی تهران د افغانستان د ترانسپورت له وزیر سره هوکړې ته رسېدلی، چې د ایران او افغانستان ترمنځ به په هوایی پروازونو کې ډېروالی راځی. راپورونه وایی چې دمګړی د ایران او افغانستان ترمنځ هره اونۍ تر نهو پورې پروازونه ترسره کېږی چې د وخت په تېرېدو به دا شمېره تر ۳۰ پورې واوړی. ایرانی چارواکو ویلی چې افغانان او ایرانیان غواړی په فرهنګی او اقتصادی برخو کې خپلې اړیکې پراخې کړی نو همدې لېوالتیا او اړتیا ته په کتو یې ددغو پروازونو د ډېرولو پرېکړه کړې ده. افغان لوری هم ورسره منلې ده، چې له ایران سره به د پروازونو په شمېر کې ډېروالی راشی.