په فاریاب کې دوه نیول شوی مولداویایی پیلوټان بېرته خوشې شوی

  • خپرول: ۲۲ دلو ۱۳۹۷
  • نوملړ: رادیو آزادی
  • د خبر شميره: 104306

هغه دوه مولداویایی پیلوټان چې په افغانستان کې یرغمل شوی وو، له درې نیمو کلونو بند تېرولو وروسته خوشې شوی دی.

دا خبره د مولداویا ولسمشر ایګور دودان نن د دې هېواد په پلازمېنه کیشینوف کې خبریالانو ته وکړه.

دودان وویل، د دې اوونۍ په پای یا د راتلونکې اوونۍ په پیل کې به مسکو ته لاړ شی چې خوشې شوی پیلوټان بېرته هېواد ته راستانه کړی.

هغه وویل، دواړه پیلوټان د مسکو په یوه روغتون کې بستر دی او روغتیایی وضعیت یې د قناعت وړ دی.

د مولداویا دغه پیلوټان د ۲۰۱۵ کال په نوامبر کې د افغانستان په فاریاب ولایت کې هغه مهال طالبانو ونیول چې روسی ساخت می ۱۷ ډوله هلیکوپټر یې په سیمه کې اضطراری ناسته وه.

د دوی د عملې درېیم مولداویایی وژل شوی و.

د مولداویا ولسمشر چې له مسکو سره نږدې اړیکې لری، دغه راز وویل چې د څو میاشتو خبرو اترو په نتیجه کې دواړه پیلوټان دوه ورځې مخکې خوشې شوی دی.

هغه زیاته کړه چې د دغو پیلوټانو د خوشې کېدو هدف یوازې د فدراتیفې روسیې د مشرتابه په مرسته ترلاسه شوی چې په دې اړه یې ورڅخه د مرستې غوښتنه کړې وه.

شريکول:
لنډ لينک: http://pashtunews.com/?p=104306

نظرات(۰ دیدگاه)

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *