جاپان د ایران څخه د خپلو نفتو وارداتو ته زیاتوالی ورکړ

  • خپرول: ۹ میزان ۱۳۹۷
  • نوملړ: خاورمیانه
  • د خبر شميره: 87173

۱ تیر دقیقه

د جاپان د سوداګرۍ وزارت اعلان کړی دی چې پر ایران باندې یې د امریکا له لورې د بندیزونو سره سره یې د خپلو نفتو وارداتو ته زیاتوالی ورکړی دی.

د خاور میانه خبرې اژانس د راپور له مخې،د جاپان ټایمز ورځپاڼې د جاپان د سوداګرۍ او اقتصاد وزارت څخه په نقل لیکلی دی چې د ایران پر وړاندې د امریکا د لګول شویو بندیزونو باوجود یې د ایران سره د نفتو په سوداګرۍ کې زیاتوالی راوستلی دی.

جاپان ټایمز لیکلی دی چې په ۵ وروستیو میاشتو کې ددغه هیواد د نفتو په وارداتو کې د تیر کال په پرتله د اوسنی وخت په نسبت ۶۵ سلنه زیاتوالی راغلی دی.

د جاپان ټایمز د راپور له مخې د جاپان هېواد د اګست په میاشت کې هره ورځ ۱۷۷ زره او ۵۰۰ بوشکې نفت وارد کړی دی چې په ټوله کې ددې میاشتې په اوږدو کې ۳ میلیونه او ۳۹۰ زره بوشکې نفت یې وارد کړی دی.

دا په داسې حال کې ده ، چې د امریکا متحده ایالات د اتومی تړون د وتلو څخه وروسته اعلان وکړ؛ هغه هېوادونه چې د ایران څخه نفت اخلی د نومبر تر ۴ یا د لړم تر ۱۳ نیټې پورې وخت لری چې د ایران څخه د نفتو واردولو ته د پاې ټکې کیږدی او ددې څخه غیر به د امریکا د وروستیو بندیزونو سره مخ شی.

شريکول:
لنډ لينک: http://pashtunews.com/?p=87173

نظرات(۰ دیدگاه)

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *